Gedicht: Dagdreumn van Jannes Slot

Mooi Overijssel 3575 video's
Enter 19 dec 2007
 
A'k doar alleene zoo zitte te huuzen, Dan is nen oawnd wal es laank. Dan kiek ik n heeln tied op de klokke En in de wiezers zit weinig gaank. Zonder aarg goa'k dan an het dreumen Oawer Eanter, doar zin ik geboorn. Ineens zee ‘k de beeldn dan wier vuur miej, De beeldn oet de kinderjaorn. Toen speuln ik met Hendrik en Gerrit, Met de Rensjongs en met Mantjes-Jehan. Wiej vöchen met leaftiedsgenootjes, En wat wa we toch vôlle van plan. Mangs mog ik wal eens noar het Reins hen 't Eanterbrook was nen heeln eande weg. En vuur a'k noar 't Reins gung dan worn miej, De wach wal heel good an ‘ezeg. Onze wereld heul op biej de bekke. Wat doar achter lea wusse wiej neet. Van Ypelo, Rectum en wieter, Ha we as kindere heel weinig weet.
Er zijn nog geen reacties. Plaats als eerste je reactie bij deze video!